Dior Haute Couture Show-ah Sonam Kapoor

Sonam Kapoor chu June 24-a Paris-a Dior Haute Couture Fall/Winter Show-a tel tura sawm a ni a, Indian celebrity zinga sawm awmchhun a ni.

Media lamin global fashion icon leh India cultural ambassador nia an sawi ṭhin, Sonam Kapoor hi Paris Fashion Week, King Charles' Coronation leh Cannes Film Festival-ahte sawm a lo ni tawh bawk a, mipui mit latu zingah pawh a tel. Khawvel huap fashion event lian hrang hrangah India aiawhtu a ni fo a, Indian fashion ngaihventirtu pakhat a ni thei a ni. 2023-a celebrity zinga luxury fashion brand lama huhang nei lian an thlan chhuah zingah pawh telin, Zendaya, Kylie Jenner, Kendall Jenner, Blackpink, BTS te nen list-ah an awm ho a ni.