Zaninah Proclaim Semi Final nei dawn

Catholic mal zai intihsiak, ‘Proclaim 2024’ chu zanin hian Semi Final neih a ni dawn a, Mizoram hmun hrang hrang aṭanga Catholic zaithiam thlan chhuah 12 te an in el dawn. Zanin hian an hla duh ber hmangin an intihsiak ang.

Proclaim hi St. Mary’s Branch Catholic Ṭhalai Pawl, Electric Vengin an Golden Jubilee lawmna puala an buatsaih a ni a, Francis Amanga Sailo, Chali leh Israel Lalbiakrema ten an endik dawn a ni.

Semi Final Round aṭang hian Final-a lut tur mi panga thlan chhuah an ni dawn a, Final hi karleh Inrinni, June 29 zanah neih a ni ang. Semi Final intihsiakna hi St. Mary’s Auditorium, Electric Vengah neih a ni ang. Zonet Zawlbuk-ah zan dar 8:00 ah Live-a pekchhuah a ni ang.