MIFF 2024 : 'Golden Thread' in Gold Conch award dawng

18th Mumbai International Film Festival (MIFF) 2024 chu Zirtawpni liam ta zan khan zawh fel niin, category hrang hrangah award hlan a ni. Nishta Jain 'Golden Thread' chuan award ngaih hlut tak, Golden Conch award for best documentary a dawng.

MIFF 2024 hi Union Ministry of Information and Broadcasting leh National Film Development Corporation huaihawtin, June 15 - 21, 2024 chhung khan neih a ni. Festival hawn ni hian wildlife filmmaker, Subbiah Nallamuthu chu 18th V. Shantaram Lifetime Achievement Award hlan a ni. Festival chhung hian documentary, short film leh animation-te tih chhuah a ni.

18th MIFF 2024 awards hi section panga - international, national, sponsored, sepcial leh technical hnuaiah sem a ni. International-ah 'Golden Thread' documenary chuan Golden Conch Award dawngin, Best International short film-ah "Sour Milk' leh Best International Animation-ah 'Zima' thlan an ni. National-ah Best Documentary chu '6-A Akash Ganga' in a dawng a, Best Indian Short Film-ah 'Salt' thlan a ni a, Best Indian Animation-ah 'Nirjara' thlan a ni bawk. Special Award section-ah Best short film chu 'Life in Loom' in a dawng.