Queen-in USD tld 1.27 in an music catalog hralh

British rock band, Queen chuan an music catalog chu Sony Music hnenah USD tld 1.27 in an hralh ta. An catalog hralhah hian "Bohemian Rhapsody", "Another One Bites the Dust", "Somebody to Love", "We Will Rock You" leh "We Are the Champions" te pawh an tel a ni.

Inremna an siam hian band recorded music, publishing rights, hming leh an band kaihhnawih thil dangte pawh a huam vek. Sony Music Publishing hian Queen hla hi film, advertisement leh commercial dangah pawh an hmang thei dawn a ni. Queen leh Sony inremna hian music catalog leinaah record an siam a ni. Kum 2021 khan Sony hian Bruce Springsteen catalog chu USD mtd 500, leh 2022-ah Boby Dylan catalog chu USD mtd 300 in an lo leisak tawh bawk. Queen nena inremna an siamah hian, band-in streaming aṭanga a sum hmuhte chu Sony hnenah a lut vek dawn a, mahse live performance erawh a huam lo thung. Band member, Brian May leh Roger Taylor-te chuan singer, Adam Lambert thawhpuiin Queen hming hian tour an la nei mek a ni.