Khiangte Construction Ṭhazual Lengzem : No 1-ah Lawmi Khiangte 'A chhawk duh che'

Khiangte Construction Ṭhazual Gospel chart tharah Lawmi Khiangte chuan ama hla phuah ngei, 'A chhawk duh che' tih chu No 1-ah a rawn lanpui.

'A chhawk duh che' tih hi Lawmi gopsel music video hmasa ber niin, kum 2021 aṭang khan a buaipui ṭan tawh a, mahse harsatna hrang hrangte avangin tihkhawtlai a ni zel a, May 3, 2024 khan a ti chhuak thei ta a ni. A thu a ṭhain a thluk a nalh a; beidawnna leh harsatna, manganna leh buaina kan tawh karah pawh Pathian kan rin tlat chuan Anin min lo chhawk zel dawn a ni tih he hla hmang hian a rawn puang chhuak a, beidawngte tana inhnemna, chak lote tana chakna thar lakna hla ṭha tak a ni. Chart hmasaah No 2-ah awmin, tunah erawh a chung ber a rawn luah ta a ni.

No 2-ah Cindy Lalthanpuii & Puipuia Chhakchhuak 'Kan phal thei lo' a awm a, anni pawhin hma an rawn sawn zel a ni. Mizo Idol 2022-a pahnihna, Tumtumi chu 'Ka inchhuang ṭhin' tih hla hmangin No 3-ah a lang a, Vanlalruati 'Halleluiha' leh Grace Gospel Artistes 'Isua a awm' chu Top 5-ah an lang bawk.

Ellebeth-i, Divine Voice leh Angela Lalremruati te pawh chart-ah an la lang chhunzawm zel a, hetih lai hian Christina Vanlalnghaki leh Dizie & Pekpeki te a rawn lang thar ve thung.