Scorpions biopic 'Wind of Change' siam dawn

German rock band, Scorpions bul ṭan chhoh dan leh 1980s vela khawvel huapa an lar chhoh dan chu movie a siam a ni dawn ta.

Musical biopic, 'Wind of Change' hi ESX Entertainment chuan a produce dawn a, French-born filmmaker Alx Ranarivelo-a'n a direct ang. Kumin kumtawp lam aṭangin Europe-ah buaipui ṭanin, kum 2025-ah, Scorpion 60th anniversary lawmna rualin tlangzarh hman tum a ni. Movie title atan hian band 1991 global hit single hman a ni a, he single hi khawvel pumah copy mtd 14 chuang an hralh a ni. He hla hi Cold War tawp hma deuh, 1989 Moscow Music Peace Festival-a mi nuai thum chuang hmaa an perform-na aṭanga an phuah chhuah a ni. An hla zingah “Big City Nights,” “Rock You Like a Hurricane,” “Send Me an Angel,” leh “Wind of Change” te hi vawiin thlengin classic rock fan-te ngaihthlak nasat tak an la ni reng a ni.