Sonaksi Sinha leh Zaheer Iqbal innei

Bollywood star pahnih, 2022 comedy drama 'Double XL' co-star, Sonakshi Sinha leh Zaheer Iqbal-te chu Pathianni khan an innei.

Kum 37 mi, Sonakshi leh kum 35 mi, Zaheer-te hi Mumbai-a Sonaksi apartment, Bandra West apartment-ah an innei a, chhungte leh ṭhian hnaivaite chauh an sawm a ni. A lawmna hi Bastian restaurant-ah nei lehin, he hunah hian Bollywood star lar tak tak an tel a ni. Sonakshi leh Zaheer hi kum 2022, September thlaa tlangzarh, 'Blockbuster' music video-ah an lo ang dun tawh a, a hnuah 'Double XL' ah hian an chang dun leh a ni. Hetih hunlai pawh hian an inngaizawng tawh a, mahse vantlang hriatah an puangzar lo a, kum 2023 khan an puangzar ve chauh a ni.