Kate Middleton lema chang Meg Bellamy an troll

Netflix drama 'The Crown'-a Princess of Wales, Catherine Middleton lema chang, Meg Bellamy chuan internet lamah Kate-i lema chang tur chuan a thau lutuk tia troll a hlawh nasat thu a sawi.

Kum 21 mi, British actress hi The Crown final season-ah changin, final season-ah hian University of St Andrews-ah Prince William leh Kate an kal lai, an inngaihzawn lai tihlan a ni. Bellamy chuan press interview a neih hnua a phone a en chuan a pianhmang chungchangah 'negative comment' hlir a lo awm tih sawiin, a tam zawk chuan "Kate-i lema chang tur chuan i thau lutuk' an ti a ni, a ti. 'The Crown' final season-ah hian Prince William lemah Ed McVey a chang a, season six-ah Prince Harry lemah Luther Ford a chang bawk.