Billboard 200: Taylor Swift nek chhuak thei an la awm lo

Billboard 200 album chart-ah Taylor Swift nek chhuah thei an la awm lo a, a zawna a kar kua-na atan 'The Tortured Poets Department' chu No 1-ah a la awm.

Kum 34 mi, superstar Swift album thar ber hi April 19-a tih chhuah kha niin, No 1 a nihpui tawh album 14 zingah he dinhmun luah rei thei pahnihna a ni. A album dang, '1989' leh 'Fearless' te kha kar 11 chhung ve ve chart chung ber dinhmun hi a lo luahpui tawh a ni. 'The Tortured Poets Department' hian kar kua-naah pawh US-ah equivalent album unit 126,000 a la nei thei a, traditional album sales hi 33,000 a la tling a ni.

No 2-ah Billie Eilish 'Hit Me Hard and Soft' a la ding nghet a, equivalent album unit 84,000 a nei. Tlangzarh thar, Don Toliver 'Hardstone Psycho' chu No 3-ah rawn lang tharin, Morgan Wallen 'Onet Thing at a Time' chu No 4-ah a la awm a, $uicideboy$' "New World Depression" chuan equivalent album unit 66,000 neiin No 5-ah a rawng thar ve bawk.