'Prison Break' star Purcell leh Miller chang dun leh dawn

Mizoramah pawh kan en nasat tak, 'Prison Break'-a changtu pahnih, Dominic Purcell leh Wentworth Miller-te chu hostage drama series, 'Snatchback' ah an chang dun leh dawn.

'Snatchback' hi intelligenc officer pakhat thil tawn behchhana siam a ni dawn a, skilled team-in hmun hlauhawm tak tak aṭanga mi tangte an chhanchhuah chungchang niin, Universal Television chuan a buaipui mek a ni. Purcell leh Miller-te hi 'Prison Break' series-ah unau, Lincoln Burrows leh Michael Scofield lemah changin an larpui hle. Hei bakah hian "The Flash" leh "DC's Legends of Tomorrow" ah an lo thawkdun bawk a ni. Official-a puan la ni lo mah se, Prison Break project thar hi an buaipui leh mek nia sawi a ni bawk.