Microsoft-in Smart mirror a siam

Inenna darthlalang ni si, khaw awm dan leh lum dante en nghal theihna ni bawk si, smart mirror chu Microsoft chuan a siam chhuak.

Smart Mirror hi inenna darthlalang pangngai mai chhungah (hnung) LCD lit-screen an dah lut a, a changkang ta em em mai a ni. Current hmang lo chuan a nih tur ang a ni thei lo tih hriat phawt tur. Current a luh chiahah, darthlalangah chuan khaw awm dan tur te, dar zat te, khawlum zawngte a rawn lang ta mai a ni.

Darthlalang chhungah hian facial-recognition system te an dah a, he thil hian mihring hmel landan chi riat a thliar thei a, thinrim leh hlim hmelte pawh a thliar thei dawn a ni. Magic Mirror hian facial recognition atan hian Windows Help technology an hmang a, a power atan Rasberry Pi an hmang bawk.

Microsoft chuan changtlung lehzuala siam tumin an bei mek a, Twitter leh Facebook feeds te display panel-a tarlan dan tur te an buaipui chho mek.