American Idol winner Phillip Phillips an khing

American Idol season 11-naa winner, Phillip Phillips chu a producer 19 Entertainment chuan USD mtd 5 chawi turin a phut a, court-ah he thu hi a thleng.

19 Entertainment chuan court-ah hian Phillip Phillips hian a pawisa USD mtd 1 lai a batsak bakah, an inremna thuthlung ṭhenkhat a bawhchhia a ni tih sawiin, chungte avang chuan USD mtd 5 chawi turin a phut a ni. 19 Entertainment hian Phillip Phillips a khin bakah hian a tlachhia a ni tih court hnenah a thlen a, sorkar aṭangin khaichhuahna a beisei a ni.

Phillip Phillips leh 19 Entertainment inkara buaina hi kumin January thla aṭanga inṭan tawh kha a ni. Phillips hian January thla khan California Labor Commissioner-ah 19 Entertainment hian amah chu a dik lo zawnga chhawr anga sawiin, California dan, Talent Agencies Act a bawhchhia niin a sawi.