English fan-ten St. George Cross inbel an pawiti lo

English futbol fan-te hian inkhel an ennaah crusade hunlaia pasalṭhate (knight) inthuamna anga inthuam an ching ṭhin a, an kawr var hmaa kraws sen awm hi St. George Cross a ni. BBC-a article tihchhuahah chuan heng thuamhnaw inbel ṭhin fan-te hi a rawn sawisel a, mahse English futbol fan-te chuan an ngainep hle.

BBC chuan pasalṭhatna chu chakna, huaisenna leh inpekna nena inzawm a ni a, tunlai huna awmze nei lem loa lo inbel ve rikngawt chu a inhmeh lo tih te tarlangin, English fan-te incheina ang hi Kristian sipaiten Palestina rama Muslim-te bei tura an ram mut, Crusade hunlaia an inbel ang kha a ni a, Muslim-te tan pawn hmuh hrehawm leh nuam lo a ni thei tih lam hawi ten a ziak a ni.

Futbol fan-te erawh chuan an ngainep hle a, mi tam tak chuan hetianga BBC-in a rawn tihchhuah
aṭang chiah hian hetiang thawmhnaw hi inbel an ch‚k phah sawt tih sawiin, ṭhenkhat chuan Viking incheia inchei hian Northumbrian puithiamte rilru a tina thei ang tih lam sawi hlei lo tiin, bias angah an puh bawk.

Pakhat chuan English team-ten futbol an khelhah a pasalṭha thuam≠in a inbel tawh ṭhin tih sawiin, mi tumahin huat enah emaw, sakhuana avanga ngaih theih loh tur ang hawiin an thlirin an sawi ngai lo tih a sawi. Mipui ngaihdan lak zui nghal a ni a, chhangtu za zela 85 chuan hetiang thawmhnaw inbel hi a pawi lo e an ti.