'Kalki 2898 AD'-in advance booking aṭangin Rs vbc 50 chuang hmu

Amitabh Bachchan, Kamal Haasan, Prabhas leh Deepika Padukone-te channa, 'Kalki 2898 AD' chuan advance booking Day 1-ah Rs vbc 50 chuang a hmu. Nimin khan Tamil, Telugu, Hindi, Malayalam leh Kannada-in movie hi release a ni a, box office lamah record a rawn siam chhoh ngei pawh a rinawm.

'Kalki 2898 AD' hi Indian film siam tawh zinga hautak ber pawl a ni a, budget hi Rs vbc 600 a tling nia sawi a ni. Advance booking aṭang hian ticket maktaduai khat chuang hralh a ni a, Indian film zingah advance booking ṭanga ticket hralh ṭhatna ber a ni. Tlangzarh ni hian India ramah Rs vbc 100 leh ram pawn lamah Rs vbc 60 a la luh phak rin a ni.