Game festival neih a ni dawn

Dota 2 leh game hrang hrangah te, PS3 leh Xbox game console hmang ṭhinte tan pawha hmun awmna, Game Festival neih a ni dawn a, Netsurf buatsaih tur a ni a, Ramthar Veng Branch YMA, Khuangchera Section huaihawt tur niin, Ramthar Veng Hall-ah neih a ni ang.

Dota2 hi inelna lian ber tur a ni dawn a, he game bikah hian prize pool tur pawh Rs. 150,000 lai a ni. June 11 thleng hian Dota2 registration hawn a ni a, June 20-ah khelh ṭan a ni ang. FIFA 16 a awm dawn bawk a, hei hi chu tualchhung chauh nilin, North East pum huap a ni dawn a, heta ti ṭhate chu North East aiawhin ESWC All India-ah an tel ang. Prize pool hi Rs. 60,000 a ni a, semi fina≠list thlengin lawmman pek a ni ang. Entry fee hi Rs. 250 a ni ang a, June 28 aṭangin tournament ṭan a ni ang. FIFA inelna bik hi ESWC North East Qualifying a ni dawn a, a ti ṭhate chu Netsurf-in an zin vei vahna a tumsak dawn a, All India-a an che ṭha zel a nih chuan Paris-ah World Championship khel turin an kal dawn a ni. Hei vang hian gamer ṭha ho chuan passport an siamtir nual tawh a ni. Dota2 bikah hian India team ṭhate chah chhuah an ni dawn a, championship ropui tak Aizawlah kan hmu thei dawn a ni

Ṭhianho awmkhawm hleka kan khelh ber, tunlaia lar Mini Militia pawh a awm dawn a, pathum ve vea intum tur a ni dawn. Pakhatnain Rs. 5,000 an dawng ang a, hei bakah hian entry aṭangin prize pool belh a ni bawk dawn.

Heng inelna lian ho hi neih hmasak phawt a ni anga, main event chu June thla laihawla neih tum a ni a. Hetah hian game festival lian neih a ni dawn a ni. Hman lai game 8 bit khelh tur chhawp a ni dawn a, Super Mario te, Piano Tiles, PS3 move game boxing te, Xbox game Just dance te a awm dawn bawk. Game fest-ah hian netsurf internet chak tawk hman tur a awm reng dawn bawk a ni.

Nikum khan Netsurf hian hlawhtling takin eSports inelna pakhat Dota2 Championship a lo huaihawt tawh a, khami ṭum khan Prize pool Rs. 80,000 niin, Monster Love an champion a nih kha. Chanmari YMA Hall-ah hall chhung khat thap khawp Game ngainatute an pungkhawm a, khata tang khan Netsurf chuan kum tin Game festival lian buatsaih tumin hma a la ta a ni.

Dota 2 hi Netsurf office, Chanmari-ah resgistration tih a ni a, FIFA 16 leh Mini Militia entry form lakchhuahna erawh Aizawl hmun hrang hrangah siam a ni a, chungte chu hetian hian : CL Enterprise (Kulikawn, near Indoor Stadium); Jedidia Enterprise (Vaivakawn, Taxi Stand bul); RZ Variety Store (Bazar Bungkawn, Near Bikers Dent); Lawma Enfield (Sikulpuikawn); STS (Zemabawk); Hijoin Wheelz (Bawngkawn Lunglei Road); Xotin Brush Painting (Bawngkawn Chhim Veng, Transport office thlang); Fakzuala Auto parts (Chanmari); Netsurf Office (Chanmari) leh RTZ Sports (Khatla)