Chinese phone thar bawk

Chinese phone company LeEco an rawn lang leh. LeEco hian tunhnai khan India-ah an smartphone thar pahnih - Le 2 leh Le Max 2 te an tichhuak a, anmahni e-commerce - LeMall-ah an phochhuak.

LeEco phone chi hnihte hi lei thei turin Flipkart leh LeMall-ah te hian registration a tih theih tawh a, June 28 aṭang hian an hralh chhuak thei ang.

Le 2 hi Rs. 11,999 man a ni a, a RAM hi a ṭha khawp mai a, 3GB a ni a, internal storage hi 32 GB-a lian a ni. Hei bakah hian Supertainment package a tel a, he package hi Rs. 4,900 hu a ni a, LeEco website, LeMall.com-ah a hman theih dawn a nih hmel.

LeMax 2 erawh a man a to deuh a, ṭhat pawh a ṭha zawk deuh. Rs. 22,999 man a ni a, 4GB RAM niin, storage hi 32 GB a ni. Le 2 hmai hi inchi 5.5-a hlai a ni a, Max 2 thung hi chu inchi 5.7 a ni. Camera lam tarlan a ni lo a, a ṭha hle ang.