Axl Rose-a'n a thlalak tibo turin Google a hrilh

Kum 2010 kha Axl Rose-a thau vanglai a ni mai thei. Hemi kum hian Canada-ah a concert a, heta a thlalak hi, caption nuihzatthlak tak tak nen an tidarh a, he thlalak hi Axl Rose chuan Google hnenah tibo turin a hrilh.

A thau vanglaia a concert thlalak hi Winnipeg Free Press chuan a tar chhuak a, chu chu miten download-in, thu nuihzatthlak tak tak dah belhin an tidarh leh chhawng a ni. Axl Rose chuan heng thlalakte hi a remtihna leh phalna tel loa dah darh a ni tih sawiin, Google hnenah tibo vek turin a phut.