Mi rethei ṭanpui nan Bill Gates-a'n arte a sem dawn

Khawvela pa hausa ber pawh lo ni tawh ṭhin, Microsoft hotupa Bill Gates chuan ram retheia miten khawsak phung nuam leh ṭha zawk an neih theih nan arte nuai khat a sem dawn.

Nilaini khan Bill Gates chuan arte sem a tum thu hi a sawi a, ram retheia mi rethei bakberhte khawsak phung a lo nawm a, an retheihna a lo tawp theih nana ti a nih thu a sawi. Heng artete hi ram rethei 20 vela chhungkuate hnenah sem a ni dawn a, chung zingah chuan Bolivia leh Burkina Faso te pawh a tel.

Bill & Melinda Gates Foundation chuan arte hmanga miin hlawkna a tel theih dan tur a tarlang a, mi pakhatin arte 250 a vulh a, a puitlin huna a hralh leh hian kum khatah USD 1,250 vel a lei chhuak thei dawn a, chu chuan rethei tak takte tan chuan chhenfakawm tak a tling dawn a ni. Sum rulh leh tur ph˚t lÍt engmah a awm dawn lo tih sawiin, a thlawn liau liaua pek chhuah tur a ni ang.