Ben-Hur A trailer a chhuak ṭan

Hmana Ben-Hur film an siam kha siam thar leh mek a ni a, August 12 khian tihchhuah tum a ni. A hma hruai atan trailer an tichhuak ṭan ta a, Morgan Freeman te pawh kan hmu e.

Ben-Hur hi Kristian lehkhabu ziaktu, Lew Wallace-a ziak a ni a, Pathian awm ring lo ṭhin a ni a, Pathian a awm lohzia lehkhabu ziah a tum a, chumi lamah chuan Pathian awmzia a hmuchhuak a, Ben-Hur lehkhabu a ziak ta a ni. He lehkhabu behchhan tur film tuna an buaipui leh mek hi a hlawhtlin hle rin a ni.

Son of God film te, The Bible miniseries film te siamtu - Mark Burnett leh Roma Downey te chu he film siamtute zinga mi an ni a, director hi Timur Bekmambetov a ni.

Bekmambetov chuan, "Kum 1959-a tihchhuah Ben-Hur kha film satliah a ni ringawt lo, kum zabi 20 chhunga khawvel culture nasa taka nghawngtu a ni. Chuvang chuan a nia, a tira director tura min rawn sawm pawh khan ka huphurh a, ka pha ṭÍp a ni," a ti. He film, Rom-ho hunlai chanchin tarlanna ni nghal hi tun thlengin a la hlu tih a sawi a, "Khang hunlai ang tho kha tun hun pawh hi a ni. Thuneihna, duh‚mna leh hlawhtlin duhna ten khawvel hi a la luah tlat reng. Inelna nasa tak karah miten an tum tihlawhtling turin an bei a, chung zinga mi tlem te chuan mihring hlutna dik tak hi an man chhuak thei chauh a ni," a ti.