Fashion Fiesta Fashion Stylist

Khawvel changkang zelah mitinten hma kan sawn zel a, in leh lo a ni emaw, kan nitin nunphung, hnathawh te leh incheina ten hma a lo sawn zel a. Chutih rualin incheinaa hma kan sawn dan erawh ngaihtuah tham fe a tling a ni. A kawr thar neih mawi leh neih zin, neih dangdai, neih man to, neih branded lamah inzirtir ngai miah lovin hma kan sawn. Hetianga kan kal reng anih chuan tun aṭanga kum dawm (10) ah chuan hnam rethei tak, eirukna ina a tih buai, thawh mumal nei si lova inchei sang ber hnam kan ni ngeiin a rinawm. Tun ṭumah pawh hian incheina huang chhunga mi tho incheina ngawr ngawra tuite tan thurawn ṭha tak zawm theih mai tur hlawk bawk si, tunlai viau bawk si rawlhruk ka tum dawn che u a ni.

Incheinaa hma kan sawn zel chuan incheina kan tihlu chho zel dawn tihna a ni a, a siamchhuaktu company an hlawk tual tual ang a, a design-tu tan hlep hlang, a
ṭhuitu leh a siamchhuaktu lam tan hlawkna bawk. A leitu erawh kan nalh viau ang a, a ṭha phian. Chuti anih si chuan kan hlutna leh hlut lohna a inzat viau ta ve ang. Chuvangin incheina line-ah na na na chuan eizawnna kawng a inhawng dawn chauh niin a lang. Puanṭhui thiam, hmasang aṭangin kan awm tawh a, Designers kan hlut chho mek zel, chutah ṭhui peih si lo design tui lutuk chuang si lo, a thawhrim ngaih lai chin peih lo nalh leh mawi hre hlur tan eizawnna ṭha tak ania ka sawi dawn ni. Heng ka sawi ang category chhunga mi ilo ni ve a, ṭhiante zingah incheinaah i sang fal viau a, i ṭhiante pawhina an rawn laih laih i nih chuan fashion stylist, he profession ngei mai hi lo ngaihven chhin teh.

Fashion designers chu kan hre deuh vek a, amaherawhchu fashion stylist hi a hming hmelhriat viau e ti lo hian a tu amah hian kan ngaihven lo emaw ni chu aw tih turin Mizo hian professional stylist kan la nei miah lo niin a lang. Tun aṭang rei lo teah chuan kan la intihhmuh sup sup dawn tih a lang reng. I mit a lerh viau a, nalh i lo hriat viau bakah inchei thiam tak i nih chuan stylist ni tur hian i tling phawt. Amah≠erawhchu, dan anga Certificate nen i ti thlap duh a nih erawh chuan INIFD, Pune leh Pearl Accademy, Delhi-ah heng fashion merchandising, visual, history of fashion, color coordination te hi zir theihin an chhawp chhuak a, stylist ni tura pawimawh vek niin fashion line-a course awm hrim hrim zir tawh tan pawh thil harsa a ni lo. A tlangpuiin pawl sawmpahnih pass hnuah zir theih a ni ber.

Amaherawhchu khawthlang ram te kan thlir chuan an fashion stylist lar zualte khu Certificate neia ti an tlem khawp mai. A chhan chu he line hi a zir a zir ai mahin pianpui mit lerh leh mawi hriatnaah te a innghah tam zawk vang te pawh a ni ang e. A tlangpuiin heng photo shoot, magazine shooting, movie shooting leh retail company display-ah te an inhnamhnawih tlangpui a, ram changkangah chuan advertisement-ah te stylist tel lovin shooting an nei tawh ngai lo. An pawimawhin tunlai ṭhang≠-
tharte mit la leh duhzawng tur ngaih≠tuahin an hun an hmang ṭhin a ni. Magazine chhiar tam a ngai hle a, tunlaia lar leh uar te midang aia an hriat hmasak a ngai fo a, idea ṭha tak nei mi, mi biangbiak thiam, khawi hmun pawha leng nih a pawimawh hle. Dawr hmun hrang hrangah te kal kualin a man inthlauh dan te, a design inang ṭepa mi duhzawng thlansak thiam te a pawimawh fo. Chuvangin kan ram pawhin hma a sawn zel a, movie hmuhnawm tak tak kan hmu chho a, music video changkang tak tak, calendar shooting, advertisement shooting, fashion shows leh function lian tham tel ngai ngei ngei ang te a tam chho tial tial dawn a, fashion stylist kan mamawhna a sang chho tial tial dawn. Chuvangin i talent ṭha tak mai, i mawi hriatna kha chhungte tihhek nan ringawt hmang tawh lovin eizawnna ṭha takah ilo chantir dawn nia.

Kum li (4) aṭanga kum sawm (10) tal fashion huangchhungah i lo tal hmasak a ngai a; fashion show, event leh party te kal nawk nawk chang lah a tam. Mihring kan buai tual tual a, mahni incheina lei tur pawhin kan chhuak ṭha thei tawh lo, chhungkhat laina tlawh chu sawi loh; heng mi buai tak tak puipun nikhuaa an thawm≠hnaw hak tur pawh ngaihsak ṭha hman tawh lo ho hian an la mamawh chho dawn chauh. Milian nu, mut hmun aṭanga bazaar duh tawk tan te leh sum nei si, nalh hre si lo ho tan malsawmna i ni dawn tihna anih chu. A lehlam ho tan tak phei kha chuan in lo awm chu vanneihna a la ni cheu dawn zu nia ν

Tluangpuii Hmar

Vakiria Institute of Fashion Technology