Priyanka Chopra pi An kohhranin an vui duh lo

Bollywood actress, Priyanka Chopra pi, a nu nu chu Zirtawpni kalta khan a thi a, a ruang phum dan turah an buai. Priyanka pi, Madhu Jyotsana Akhauri (Mary John) hian a thih hmain Kerala-a Kumarakom-a St John's Attamangalam Church-a vui a duh thu a sawi a, phum hi an dil a, mahse an lo phal lo.

St John's Attamangalam Church chuan Mary John hian Hindu mi pasal a neih hnuah kohhran nena an inzawmna a tichat tawh tih an lo hrilh a, hemi hnu hian kohhranah a rawn let leh lo tih sawiin, an phum theih loh thu an lo hrilh a ni. Hei vang hian kohhran dang an zawng a, Ponkunnam, Kerala-a St Thomas Jacobite Church-ah an phum ta zawk a ni.