K-Pop boy band IMFACT Aizawlah

K-Pop contest nikuma kan thlenah Hyemin Jung a rawn kal a, khami ṭuma Mizo mipuitena Korean kan dawnsawn
ṭhat vang pawh kha a niang, Korean tan chuan India ram rau rauah Mizoram chu hmaih phal chi a ni ta lo. Kumina K-Pop contest, Sikkim-a neih tura judge tur, Imfact chuan Mizoram rawn tlawh loa Korea-a let leh an zuam lo a ni ang, June 29 khian R. Dengṭhuama Hall, Mualpuiah concert an rawn nei dawn.

Imfact te Mizorama an rawn kalna senso leh buaipuitute hi Korean Cultural Centre India, Embassy of the Republic of Korea, K-Pop contest buatsaihtute tho kha an ni a, Mizoramah chuan Post Event Management Incorporated ten an lo buaipui dawn a ni. KCCI hian Mizo ṭhalaiten Korean pop star te kan ngaina hle tih an hmu a, Mizo ṭhalaiten Korean hla an lo sakpui ṭhup ṭhup thei an hmuha an hriatte khan mak an ti a ni. Hetiang a nih avang hian India leh Mizoram nena inlaichinna ṭha tak neih zel an duh avangin Korean thuneitute hian Aizawla lo let leh ngei hi an tum tlat a, hetiang hian programme an rawn siam ta a ni. Kum 2016 K-Pop Contest hi Mumbai, Chennai, Delhi leh Sikkim-ahte a ni ang a, Final Round hi Chennai-ah neih an tum. Korean-te hian Aizawl rawn luh leh ngei an duh avangin, Korean boy band thar IMFACT ho concert nei turin an rawn hruai dawn ta a ni.

IMFACT hi South Korean Boy band, Star Empire Entertainment hnuaia kumin January thlaa din chauh an ni. January 27 khan an mini album ìLollipopî chu an release a, a hlawhtling hle a, Korean Charts ah pathumna a hauh pha. Official-a an indin hma hian nikuma K-Pop Contest Final Round, New Delhi-a neihah khan an rawn perform a, mipui lawm an hlawh hle. An mini album ìLollipopî ah hian hla pali - ìLollipopî, ìTroublemakerî, ìIíM FACTî leh ìShineî tihte an dah a ni. An hla Lollipop hi Youtube ah en theihin a awm a, nikum 2015 K-Pop Festival Delhi-a an performance leh introduction te pawh en theihin a awm bawk.

He concert huaihawt tur hian KCCI leh Band lam
aṭang hian mi 17 an lokal dawn a, perform tur Imfact band hi June ni 29 ah lo thlengin zanah concert hi an nei ang a, a tuk June ni 30 ah, nikuma Aizawlin kan thlen ang K-Pop Contest Regional Round judge turin Sikkim an pan nghal ang. K-Pop contest final hi July ni 30 hian Chennai-ah an nei ang. Mizo
ṭhalai thahnem tak an tel dawn niin KCCI hotute hian an sawi.