The Voice contestant an kaphlum

Kum 2014-a The Voice-a tel a, pathumna hial ni pha, Christina Grimmie chu Zirtawpni khan Orlando-ah kahhlum a ni. Kum 22 mi zaithiam hi Orlando-ah hian, zan lamah, autograph-a a sign laiin mipa pakhatin a pan hnaia silaiin a kap a, damdawi in panpui vat a ni nachungin a thi ta a ni. A kaphlumtu hi Grimmie unaupa chuan man beh tumin a bei a, chutianga an inbuannaah chuan a silai kena inkapin, a hmunah a thi ve nghal a ni. He thil hi Orlando Plaza Live Theatre-a Grimmie band, Before You Exit band te an perform zawha thleng a ni. Grimmie hian fan-te autograph-ah a hming a sign-sak a, chutihlai chuan kah a ni ta a ni. Grimmie unaupa hi police-te chuan a huaisenna avangin an fak hle.