2024 ASCAP Rhythm & Soul Music Awards : Songwriter of the Year-ah Lil Baby

2024 ASCAP Rhythm & Soul Music Awards chu Ningani zan khan Los Angeles-ah sem a ni a, Grammy wining rapper Lil Baby chuan award ngaihhlut, Songwriter of the Year award a dawng.

Lil Baby hian he award hi a dawn ṭum thumna a ni a, tun ṭumah hian a hla pathum 'Forever', 'Heyy' leh 'Freestyle' te chu ASCAP most performed songs of the year-ah an lang a ni.

SZA 'Snooze' chu ASCAP R&B/hip-hop and rap song of the year atan thlan a ni a, he hla hi Billboard R&B Song chart-ah kar 32 chhung No 1-ah a awm.

Global icon, Usher chu ASCAP Voice of the Culture Award hlan a ni a, he chawimawina hlan a nih tur thu hi a hmain puan lawk a lo ni tawh a ni. ASCAP Voice of the Culture Award hi ASCAP member, music leh culture lama huhang ngah leh, hlawhtlinna ropui tak neite hnenah hlan a ni ṭhin a, he award hi Timbaland, Swizz Beatz leh D-Nice te pawhin an lo dawng tawh a ni.

2024 Best New Artist Grammy Award winner Victoria Monét pawh ASCAP Vanguard Award hlan a ni a, Warner Chappel Music chu ASCAP Rhythm & Soul publisher of the year atan thlan niin, ASCAP gospel song of the year tan Cece Winans 'Goodness of God' thlan a ni bawk. He hla hi Brian Mark Johnson leh Jennifer Louise Johnson te phuah niin, Bethel Music Publishing publish a ni a, Billboard Hot Gospel Songs chart-ah kar 78 zet a lang tawh.

American Society of Composers, Authors and Publishers (ASCAP) Rhythm & Soul Music Awards hi Luminate-in terrestrial and satellite radio leh streaming service hrang hrang data a lakkhawm behchhana nikum chhunga hla perform tam siamtute leh publisher-te hnena hlan an ni.