Gospel United Mizoram-in Charity Concert aṭanga sum hmuh hlan

Gospel United Mizoram chuan Cyclone Remal vanga chhiat tawkte ṭanpuina tura June 6, 2024-a Charity Concert an buatsaih aṭanga an sum hmuhte chu nizan khan chhiat tawk chhungte hnenah an hlan.

Ṭanpuina sum inhlanna hun hi Dawrpui Kohhran Centernay Hall-ah hmangin, advisor Dr Rosline Varsangzuali'n a kaihruai a, Upa Lallianmawia, Sr Advisor in hunserh a hmang. Charity Concert an neih zana sum tling khawm hi Rs 7,98,662.29/ a tling. Gospel United chuan Cyclone Remal tuarte ṭanpuina tura hun, sum leh pai thawhtu zawng zawngte chungah lawmthu an sawi. Harsatna tawkte lainatna leh khawngaihna an lantir avangin an lawm tak zet tih an sawi.