Zaninah Proclaim 2024 Grand Finale

Catholic mal zai intihsiak, Proclaim 2024 Grand Finale chu zanin dar 8:00 hian St. Mary’s Auditorium, Electric Vengah neih a ni dawn ta. Zonet Zawlbuk leh Zonet Empai-ah live-a pekchhuah a ni ang.

Grand Finale-ah hian Finalists Top 5 te chu hla 2 hmangin an intihsiak dawn a, Catholic Rawngbawlna Hla Bu ami hla pakhat leh an hla duh ber pakhat an sa ang.

Proclaim endiktute pawhin zaiin mipui an awi dawn bawk a, Chali hi a band Evenflow nen an inlan dawn a, Amanga Francis Sailo hi Project Praise Band nen an che dawn a, Israel Lalbiakrema pawh a zai bawk dawn a ni.

Proclaim Finalist-te :

• Francis Lalṭhatpuia, Dilkhan

• Flora Saizikpuii, Electric Veng

• Damian Lalṭhatluanga, Chhingchhip

• Rufina Remsangpuii, Mission Vengthlang

• Regina Laltlansangi, Ramthar

Proclaim hi St. Mary’s Branch Catholic Ṭhalai Pawl-in Golden Jubilee an lawmna puala an buatsaih a ni. Ṭhutmuan Rimawi buatsaih an tum bawk a, Catholic Zaipawl leh Group zai hrang hrang ten hun an hmang dawn a. Proclaim Top 3 te pawh an inlan dawn a ni.