Mizo Dance Camp : The Main Event 2024 hlawhtling takin zo

Mizo Dance Camp The Main Event Grand Finale leh Showcase chu Zirtawpni, June 28, 2024 zan khan Dawrpui Multipurpose Centre-ah neih a ni. Women & Child Development Department-a Jt Secretary, Zonunthari chu chief guest a ni. Mizo Dance Camp kum 10 tlin lawmna a nih bawk avangin entu mipui lamin an hlutin, Hall leng lo khawp an pung khawm.

The Main Event tawp zanah hian MDC Showcase bakah Hei Raw Dance Competition Finals leh Showdown Dance Battle Finals neih a ni. Mizoram pawn - Assam, Arunachal Pradesh, Manipur leh West Bengal aṭangin dancer eng emaw zat an rawn tel. Intihsiakna endik tura chah chhuah - Mekhola Bose, Mumbai leh Sammy Hamar, Assam te pawn lam hmuhnawm tak an chhawp chhuak bawk.