Austin Butler-a'n 'The Hunger Games' audition paltlang lo

'Elvis' leh 'The Bikeriders' star, Austin Butler chuan 'Hunger Games' Movie Franchise-a Peeta Mellark role chang tura audition a tih ve thu leh, a patlang zawh loh thu a sawi. Peeta role hi Josh Hutcherson-a'n a chang a ni.

'The Hunger Games' chang tura koh ni zui ta lo mah se Butler hi lemchan lamah a che ṭha zui ta tho a, Elvis Presley movie an siamah pawh Elvis lemah changin, he film avang hian Oscar nomination pawh a hmu a ni. Josh Hutcherson hi 'Hunger Games' movie pali-ah kum 2012 - 2015 inkar khan a chang a, Jennifer Lawrence leh Liam Hemsworth-te nen changin, he franchise vang hian global star pawh an nih phah a ni. “Hunger Games” film franchise hian global box office-ah USD tld 3.3 a la lut a, 2013-a tih chhuah 'Catching Fire' chu sum la lut hnem ber niin USD mtd 865 a la lut a, nikuma a prequel 'The Ballad of Songbirds and Snakes' tih chhuah khan USD mtd 337 a la lut bawk.