Dua Lipa-i'n lip-synch a puhna a pha

British pop star, Dua Lipa chu Glastonbury Festival neih mekah Zirtawpni liam ta zan khan a perform a, mahse TV lam aṭanga lo entute chuan 'Pyramid Stage' a sak chu a live-a sa loin, a lip-synch niin an puh. Mahse Lipa chuan a puhna hi phain, nimina interview a neihah a lip-synch loh thu a sawi ve thung.

Hetih lai hian online lamah Dua Lipa hian beih a tawk zui nasa hle a,'Top of the Pops mime set' tia sawite an awm a ni. Ṭhenkhat erawh chuan a thlavang hauhin, lam paha ṭha taka zai an duh bawk avangin popstar dangte pawhin an lip-synch ve fo ti tein an lo chhan ve bawk. Mahse source rintlak tak erawh chuan stage-a Dua zai chu 100 per cent live a ni tiin, Glastonbury-a a headline vawi khatna a nih avangin a hma aṭangin pawhin a lo inbuatsaih nasa hle a ni, a ti.