'Street Fighter' movie thar an siam dawn

Video game franchise lar behchhanin 'Street Fighter' movie thar an siam dawn a, kum 2026, March thlaah an ti chhuak ang.

Legendary leh Capcom Sony Pictures thawk dunin 1987-a arcade fighting game chhuak thar, 'Street Fighter' movie hi an siam dawn a ni. Kum 1991 khan 'Street Fighter II' hi tih chhuah leh niin, franchise hi unit mtd 49 chuang hralh a ni a, khawvela video games series ngaihven hlawh ber zingah a tel. Nikum khan a installment hnuhnung ber, 'Street Fighter 6' chu tih chhuah a ni bawk. 'Street Fighter' movie hi an siam hmasakna ber tur a ni lo a, kum 1994 khan he games behchhan hian Jean-Claude Van Damme channa siam niin, 2009-ah Kritin Kreuk channa, "Street Fighter: The Legend of Chun-Li" siam a ni bawk a, mahse heng movie pahnihte hi box office lamah an che ṭha zui lo ve ve a ni.