Proclaim-a pakhatna Francis Lalṭhatpuia

Mizoram pum huap Catholic mal zai intihsiak, Proclaim chu June 29, 2024 zan khan zawh a ni a, Dilkhan tlangval Francis Lalṭhatpuia chu pakhatna a ni.

Proclaim hi St Mary's Branch Catholic Ṭhalai Pawlin an Golden Jubilee puala an buatsaih a ni. Inrinni zan khan grand finale neih niin, final round-ah finalist panga-te chu hla pahnih - Catholic Rawngbawlna Hla Bu ami leh an hla thlan hmangin an intihsiak.

Pakhatna, Francis Lalṭhatpuia hi Don Bosco Parish, Seling Bial aiawha tel niin, final-ah hian Rawngbawlna Hla Bu ami ‘Hringnun kan zin kawngah hian’ tih leh C. Lalzarmawia hla phuah ‘An Hrilhfiah’ tih chu thiam takin a sa a ni. Pahnihna Flora Saizikpuii, Electric Veng, St. Mary’s Parish Bial aiawh leh pathumna, Regina Laltlansangi, Ramthar, St. Lawrence Parish aiawh an ni.

Proclaim Winner hian Trophy, sumfai bakah Sponsors te aṭangin gift hrang hrang a dawng.

Final zanah hian judge Chali, Israel Lalbiakrema leh Amanga Francis Sailo te pawhin Fak hla hmangin kal khawm te thiam takin an awi bawk.