BET Awards 2024 : Usher, Victoria Monet leh Tyla te che ṭha

2024 BET Awards chu Los Angeles-a Peacock Theatre-ah an ram huna Pathianni zan khan sem a ni a, R&B legend Usher chuan chawimawina ngaih hlut, Lifetime Achievement Award a dawng.

Victoria Monet chuan a BET Award hmasa ber, Video of the Year' a dawng a, award sem zan hian 'On My Mama' leh 'Alright' a perform bawk. Tyla chuan award pahnih - Best New Artist leh Viewer's Choice Best International Act a dawng bawk a ni. Nomination pasarih zet hmutu, Drake erawh a kum ṭhat kum a ni lo aniang, award a dawng ve ta lo. Album of the year hi February thlaa Grammys-a best rap album dawngtu, Killer Mike 'Michael' chuan a dawng leh bawk a ni.

Host Taraji P. Henson kaihhruaina hnuaia 2024 BET Awards-ah hian music leh entertainment industry lama mi larte an inlan ṭha hle. Will Smith chuan a hla thar, 'Yan Can Make It' tih perform a, Megan The Stallion pawh a che pui leh hle.