stAge ft Sangtei Khawlhring Lawmi Khiangte an rawn nih rual

14th June, 2016

RTS Khatla Ṭhazual Lengzem chart-ah chuan stAge ft Sangtei Khawlhring hla 'Beiseina' chu pakhatnaah a awm leh a, a zawna pakhatnaa a awm vawi lina a ni ta a, Lawmi Khiangte an rawn nih rual thei ta a ni.

Lawmi Khiangte hi 'Hlimlai Ni' hmangin Ṭhazualah hian a zawnin vawi li lai mai pakhatnaah a awm a, hemi hnu hian Pensy-i chu 'Chelh ding rawh' tih hla hmangin a rawn lang a, ani hian vawi li a tlin zo lo a, vawi thum chhung pakhatnaah a awm a ni. Lawmi Khiangte ang bawka hlawhtling ta chu stAge ft Sangtei Khawlhring te hla 'Beiseina' hi a ni.

Sangtei Khawlhring hi Dur≠tlang YMA Zaipawlah kan hmu a, 'Beiseina' hi solo anga kan hmuhna hmasa ber a ni a, a hlawhtling hle a, a hmalam hun pawh a Íng hle. Chutiang bawk chuan stAge hi band anga kan vawi khat hmuhna a ni a, anni pawh an music video siam leh zel tur hmuh a tichakawm hle.

stAge drummer Rindika chuan he music video an siamnaah hian guitarist an la neih loh avangin Triau Trackx-a mi Atea chuan a pui tih a sawi a, mumal zawka kal zel an tum tih sawiin, music video pawh an buaipui leh mek tih a sawi.

RTS Khatla Ṭhazual Lengzem chart-ah hian Manuna hla 'Ka lo tir tawh lawng' tih chu pahnihnaah a chho a, Daduhi leh C. Sanga te hla hlui, music video an siam thar 'A zual zel si' chu pathumnaah a rawn kai chho. Pakhatna ṭum thum zet lo ni tawh Pensy hla 'Chelh ding rawh' tih hla chu pahnihna aṭangin palinaah a chhuk a, Zothan hla 'Sam ang ka ṭhen ta e' tih chu palina
aṭangin panganaah a tla thla.

Top 10-ah hian F. Zomuanpuia hla 'Min hnem la' tih chu a rawn lang thar a, 10-naah kan hmu a, Josephine Lalawmpuii hla 'I lo ni reng si' chu pasarihnaah a rawn lang thar bawk. Pektea leh Lunglei Govt College te top 10 aṭangin an chhuak thung.

RTS Khatla
Ṭhazual Lengzem

1 stAge ft Sangteii Khawlhring -

Beiseina

2 Manuna -

Ka lo tir tawh lawng

3 C.Sanga & Daduhi -

A zual zel si

4 Pensy B Lalthangliani -

Chelh ding rawh

5 Zothan -

Sam ang ka ṭhen ta e

6 Feli Fanai -

Ti ve mai la

7 Josephine Lalawmpuii -

I lo ni reng si

8 Lawmkimi Chawnghlut -

Lenglerh

9 Janet -

Ka hmangaih che

10 F Zomuanpuia -

Min hnem la