Drake-a'n record-ah 50 Cent a um pha ta

Drake-a album 'Views' chu Billboard album chart-ah pakhatnaah a awm leh thei ta. Heti hian 50 Cent-a'n kum 10 kaltaa a tih theih chu a rawn ti ve thei ta a ni.

Drake album hi Billboard album chart-ah hian a zawnin pakhatnaah vawi ruk a awm ta a, mipa zaithiam zing≠ah, kum 10 kaltaa 50 Cent-a hnua a zawna pakhatnaah vawi ruk awm leh thei hmasa ber a ni. 'Views' album hi kar liam ta chhung khan copy 135,000 lai a la hralh thei cheu. Kum 2005 khan 50 Cent chuan a album 'Massacre' hmangin, March leh April thla chhungin Bill≠board album chart≠-ah hian a zawn≠in pakhat≠na ṭum ruk ngawt mai a ni a, kum 2010 khan Eminem chuan a album hit Recovery hmangin a zawn loin pakhatna ṭum sarih a hauh.

Drake hi streaming equivalent album (SEA) lamah a che ṭha hle a, a album pangngai, CD ang chite chuan copy 32,000 chauh a hralh tawh a, SEA lamah chuan copy 81,000 lai a tling. Kar liam ta chhung khan vawi maktaduai 122.1 zet stream a ni.

Beyonce album 'Lemonade' chu pahnihnaah kai chhoin, copy 69,000 a hralh. Heng zinga copy 48,000 hi album pang≠ngai hralh aṭangin a ni a, a bak chu album tlukpui a ni. Paul Simon pawh pathumnaah a rawn lang.

Billboard album chart

"Views" - Drake

"Lemonade" - Beyonce Knowles (69,000)

"Stranger to Stranger" - Paul Simon (68,000)

"Seal the Deal & Let's Boogie" - Volbeat (51,000)

"Hero" - Maren Morris (45,000)

"Anti" - Rihanna (40,000)

"Dangerous Woman" - Ariana Grande (33,000)

"Obsessed" - Dan + Shay (33,000)

"If I'm Honest" - Blake Shelton (33,000)

"Blurryface" - Twenty One Pilots (31,000)