Star Ranking-ah Prabhas-a'n Ranveer Singh a pel

Hindi movie chhuak leh box office-a che ṭha tak, 'Kalki 2898 AD' star Prabhas chu ranking lamah a rawn sang chho hle a, Star Ranking-ah Ranveer Singh a pel a, Hrithik Roshan pawh a lehpelh thuai a rinawm.

'Kalki 2898 AD' hi Indian box office-ah rin phak bakin a che ṭha a, ni li chhung lekin a Hindi version in a sum lak luh hi Rs vbc 100 a pel tawh, a changtupa ranking pawh a san phah hle. Star Ranking, Star Power Index tih bawk hi (Bollywood/Hindi) box office lama film chet ṭhat dan azira actor-te point an pekna a ni. 100 crore club ni pha actor hian point 100 a hmu a ni, ram pawn lama film che ṭha zual 10-te chu point 50 zel pek an ni bawk. 'Kalki 2898 AD' release hma khan Prabhaas hian point 900 a nei a, a film thar hian 100 crore club a thlen ve tak avangin point 100 a neih belh leh ta a ni.