Eminem-a'n album chhuah hun tur a puang ta

Slim Shady, Eminem chuan Thawhṭanni khan a studio album 12-na, The Death of Slim Shady (Coup De Grâce) chhuah hun tur a social media kaltlangin a puang ta, a promo video a ti chhuak nghal bawk.

Album thar hi July 12 hian a chhuak dawn a, he album-a mi 'Houdini' single chu a lo ti chhuak tawh a, Billboard Hot 100-ah No 2 a kai a ni. Nimin khan a single pahnihna, 'Tobey' ti chhuak lehin, hetah hian Big Sean leh Babytron te a thawhpui a ni. The Death of Slim Shady-ah hian Dr Dre kutchhuak pawh a tel dawn a, he project tan hian a thawh ve thu pawh a lo sawi tawh a ni.