Miss Universe Mizoram 2024 atan Roneihpuii

CG Entertainment buatsaiha Miss Universe Mizoram thlanna neih chu, nimin khan Emerald Hotel, Aizawlah grande final neih a ni. He hunah hian Lunglei chhuak, Khatla Bungkawna khawsa mek Roneihpuii, kum 23 chu Miss Universe Mizoram hmasa ber atan thlan a ni. Miss Tourism India 2023, Ashmita Chakraborty chuan Miss Universe Mizoram lallukhum a khumtir a ni.

Roneihpuii hi September thlaa Mexico-a Miss Universe 2024 neih tura India ram aiawh tur thlanna, Miss Universe India pageant-ah Mizoram ai a awh dawn a, state dang nulate nen an inel leh dawn a ni.

Miss Universe Mizoram intihsiaknaah hian National Health Mission, Mizoram chu main sponsor niin, Vestige Marketing Pvt Ltd leh Babie Construction and Consultancy Services te chu co-sponsor an ni. July ni 6, zan dar 8:00 ah Zonet leh LPS ah chhuah a ni ang.