CEO romance K-drama-ah Lee Sang Yi leh Han Ji Hyun

Youth of May star Lee Sang Yi leh Penthouse actress Han Ji Hyun te chu tvN project tharah an chang dawn nia sawi a ni.

TenAsia chuan Han Ji Hyun leh Lee Sang Yi te hi TVING original series, 'The CEO's Meal Plan'-ah an chang dawn tih a sawi a, heng star pahnihte agency, GOODFRIENDS company leh SBD Entertainment pawhin an nemnghet nia sawi a ni. Lee Sang-Yi hi company CEO-ah changin, Han Ji Hyun hi company nutritionist ah a chang dawn a ni. CEO's Meal Plan hi 'Because I Want No Loss' chhunzawmna tur a ni. Script writer hi K-drama Her Private Life ziaktu Kim Hye Young a ni. August 26 hian 'Because I Want No Loss' hi tih chhuah a ni dawn a, hemi hnuah 'The CEO's Meal Plan' hi tih chhuah a ni ve leh ang.