Music chawlhsan vangin Osbourne a inchhir

Reality star leh TV personality, Kelly Osbourne chuan rimawi lam a chawlhsan chu a inchhir thu a sawi.

Kum 39 ni tawh, Kelly Osbourne hian an chhungkaw podcast, 'The Osbournes' ah a nuṭapa, Jack Osbourne-a'n rimawi lamah kir leh a tum em tih zawhna a chhannaah sawi chhuakin, a lo chawlhsan chu a inchhir thu leh, lo chawlhsan lo ta se engtin nge a awm zel ang tihte pawh a ngaihtuah fo thu a sawi. Rimawi lama a kir leh kir loh tur chungchang erawh a hriat loh thu a sawi bawk. Kelly hian reality TV lama a buai chhoh a, zin chhuah leh interview vel tia a buai chhoh hnuah, a hna leh a mimal nun lamah pressure a tam tak em avangin rimawi hi a chawlhsan a ni. Album hi pahnih, 'Shut Up' leh 'Sleeping in the Nothing' a ti chhuak hman a, kum 2005 hnu lamah music thar a siam zui ta lo a ni.