Superman movie tharah Christopher Reeve fapa inlan dawn

Kum 1978 - 1987 inkara Superman film series-a Superman lema chang ṭhin, Christopher Reeve-a fapa Will Reeve chu James Gunn-a Superman movie thar siamah a inlan ve dawn.

Will Reeve hi kum 32 mi niin, ABC news correspondent a ni a, Superman movie-ah hian TV reporter angin a lang ve dawn a ni. Hei hi a pa hriatrengna leh a chawimawina pakhat atana a tih a ni. He movie hi nakkum July 11-a tih chhuah tum a ni. Christopher Reeve hi Superman tia hriat lar a ni a, kum 1995 khan a sakawr chuanna aṭanga a chetsual avangin a taksa a zeng a, kum 2004 khan a boral a ni. September 21, 2024 hian a documentary an siam, 'Super/Man : The Christopher Reeve Story' chu US-ah tih chhuah a ni ang. He documentary hi Ian Bonhote leh Peter Ettedgui te siam a ni.