UK National Film Awards 2024 : Best Foreign Film-ah 'Captain Miller'

UK National Film Awards 2024-ah award ngaihhlut tak, Best Foreign Language Film atan Indian film, 'Captain Miller' chu thlan a ni.

He film hi Arun Matheswaran-a direct niin, India-in zalenna a hmuh hma, British awpna hnuaia a awm hun lai chanchin kha niin, Dhanush, Shivaraj Kumar, Priyanka Mohan, Sundeep Kishan, Vinod Kishan te an chang a ni. Pongal festival laia tlangzarh kha niin, box office lamah pawh a che ṭha hle a ni.

UK National Film Awards 2024-ah Johnny Depp chu lemchan lama a thawh hlawk avangin chawimawina, Global Contribution to Motion Picture hlan a ni. Depp chuan he chawimawina hlan a ni chu a lawm takzet tih sawiin, character hrang hrang a channaa amah thlawptute chungah a lawm hle tih a sawi.

Best Actress-ah Arthur's Whisky actress, Patricia Hodge thlan niin, Adam Deacon chu 'Sumotherhood' film aṭangin Best Actor atan thlan a ni bawk.