Emma Roberts-in 'Madame Web' flop chhanah internet culture a puh

'Madame Web' movie-a Mary Parker lema chang, Emma Roberts chuan talent nei ṭha tak tak, Dakota Johson, Sydney Sweeny leh Isabela Merced-te nena an channa film a flop chhan pakhatah 'internet culture' a puh.

Roberts chuan internet lamah he film sawiselna leh fiamthu thawhna atana hman a ni nasa chu film hian a chhiatpui nia a ngaih thu sawiin, 'Engkim kha fiamthu thawhna atan hman ni lo ta se, a dinhmun pawh a danglam ngei ang," a ti. Social media user-te chuan 'Madame Web' hi an sel nasa hle a, movie chhe ber tiin ṭhenkhat chuan an sawi a ni. Roberts chuan he film hian fak hlawh lo hle mah se, SJ Clarkson direct-na hnuaiah star dangte nena an thawh hona chu a ṭhain nuam a ti hle tih a sawi. 'Madame Web' hi February 14, 2023 khan tih chhuah niin, a budget hi USD mtd 80-100 vel nia sawi a nih laiin, khawvel huapa a sum hmuh hi USD mtd 100 a tling pha chauh a ni.