John Cena'n wrestling a chawlhsan dawn

US actor leh wrestler, John Cena chuan World Wrestling Entertainment (WWE) competition chu a chawlhsan dawn tih a puang.

He thu hi Canada-a WWE Money in the Bank event-a a inlannaah a puang a ni. Kum 47 mi ni tawh, Cena chuan farewell tour atana in-ring competition-ah a inlan hnuhnun ber chu kum 2025-ah a ni dawn tih a puang a ni. Cena hi professional wrestler ropui ber zinga mi niin, kum 2001-a WWE a zawm aṭangin world champion vawi 16 a ni thei a ni. Lemchan lam a luh chilh hnuah, kum 2018 aṭang kham WWE-ah hian part-time in a inlan zui zel bawk. A film chan zingah hian The Marine, The Suicide Squad, Fast & Furious 9 leh Teenage Mutant Ninja Turtles te an tel. Wrestling lam chu chawlhsan dawn mah se, WWE chhungkuaa la tel chhunzawm zel tum tih a sawi.