Harsatna aṬangin hlawhtlinna. Milarten hun harsa an paltlang nasa

Mi tam tak chuan an nuna harsatna a lo thlenin an bei a dawng a, mahni intihhlumah te an tlak ṭhin. Mahse hetiang harsatna hmachhawn ngam a, bei let a, hneh tumte hi hlawhtlinna hian a hmuak duh bik emaw tih mai tur a ni

Pawngsual te, ruihhlo ngaih leh ngawl vei te, chÍnna tur mumal neih lohte hi mi ṭhenkhat chuan an hlawh≠chhamna chhuanlamah an hmang a nih chuan, heng harsatna leh manganna te hneh lut tur hian an bei tak tak lo tihna a ni thei mai thei. Khawvel huapa milar leh hlawhtlingte hian hetiang harsatna hi an lo paltlang tawh a ni.

Khawvel hmeichhe zinga thiltithei, hausa leh huhang ngah berte zinga mi Oprah Winfrey hi a khawngaihthlak a, chutihrual chuan a harsatna a hneh thei hi a lawmpuiawm. Rethei em em, chÍnna tur mumal pawh nei lo ṭhin a ni a, Milwaukee velah a nu nen an vakvai a ni ber mai. Kum 9 mi lek a nih laiin, amah awmtu tur bera ngaih chuan a pawngsual ṭan a, a hnuah a awmna chhung≠kuaa mipa dangte pawhin an pawngsual ṭhin. An pawngsual avang hian kum 14 mi lek a nih laiin a rai a, thla kim loin nau a hring a, a nau hrin chu chawlhkar hnih lek a nih laiin a thi lehnghal. Heng a nun harsatna avang hian ruihhlo lamah a nasa takin a tl‚n ve ṭhin. Lehkha a thiam thei lo bawk si a, harsatna hrang hrang karah a tl‚wm duh lo a, a beidawng duh lo a, tun hun hi a thleng ta a ni.

Retheihna avangin Missouri, Michigan leh Detroit-ah a nu nen an pem kual nasa lutuk. Kum khat chhung ringawt pawhin a school kalna ṭum hnih ṭum thum a thlak hman. School-ah a zirlaipuiten an tiduhdah em em a, ṭhian kawm tur pawh a nei lo. A school kalpui naupang zawkte an fuihpawrh a, an sualtir ṭhin. An chhaihnawmnah nasa a, school kal nuam lo tawp khawpin an chhaihin an tiduhdah a ni. Chutiang harsatna karah chuan a beidawng duh lo a, a tawpah chuan mingo rapper zinga hlawhtling ber tiin Eminem hi an lo sawi ta a ni.

An chhungkua chu an retheih mai piah lamah a pa zu rui huaikawmbawl nasa lutuk chu Nicki Minaj-i'n a naupanlai a hlauh ber a ni. Trinidad aṭangin New York-ah an pem a, a pa chuan cocaine a addict lehnghal. A nu kut a thlak reng a, a unaupa nen a pa chuan a vau reng a, kut a thlak fo. A pa chuan a nu chu h‚lhlum a tum a, an in chawpin a h‚l thul. Chutichung chuan beidawng loin a kal a, tunah chuan hmeichhe rapper hlawhtling a ni tawh.

A nu a lÍr nasa si a, an inah mipa hrang hrang a hruai lut reng mai a, amah ngeiin pawhin a ning a, mipa pakhat phei chu a lua silai chuktuah ran khawpin a tin hial tawh. Chu mai a ni lo, an in chu addict centre emaw tih mai tur khawpin, a nu ṭhian leh ngaihzawngte chu addict nasa tak tak hlir an ni. A nuin a ngaihsak lo si a, depression a nei a, mahni intihhlum hial pawh a tum tawh ṭhin. Mahse chung harsatnate chu a hneh a, tunah chuan Ashley Judd hi actress hlawhtling a ni ta.