California mi 2-in Sheeran an khing

California-a hla phuah thiam mi pahnihte chuan Ed Sheeran chu copyright chungchangah khingin, USD mtd 20 chawi turin an phut.

Central District, California-a federal court-ah Martin Harrington leh, a firm-a inzuak lut, Thomas Leonard te chuan Ed Sheeran khinna thu hi thehlutin, Sheeran-a hla 'Photograph' kha an hla pakhat nen inanna tam tak a awm a ni tih tarlangin, USD mtd 20 chawi turin an phut a ni.

Harrington te pahnih hian kum 2009-a an hla phuah, Amazing leh Photograph te chu a kalhmangah inanna tam tak a awm tih sawiin, Sheeran hian an hlaa mi ṭhenkhat chu a hmang niin an puh a ni. Hemi chungchang hi court-ah chhui chiang tura an thlen bakah, an hla a lo la ngei a nih chuan a lak manah royalty an phut tih sawiin, chawi tura an phut zawng zawng zat hi USD mtd 20 a ni.

Photograph hi Ed Shee≠ran album 'X'-a mi kha a ni a (Multiply tia lam tur). Khaw≠vel pumah he hla hi copy maktaduai 3.5 zet a hralh. Amazing hi tun thleng≠in YouTube-ah entu mak≠taduai 1 vel an awm tawh a, Ed Sheeran-a hla thung hi mi maktaduai 208 ten an en tawh thung.