Kesha-i'n body shamer-te a chhang let

'Die Young' singer, Kesha chuan online-a a taksa pianhmang sawiseltute chu chhang letin, a taksa chu a chhuang hle tih a sawi.

Kum 37 mi, Kesha hian X kaltlangin social media lamah a taksa pianghmang sawiseltu hi a rawn chang a, 'Kum 2024-ah chuan mite hian mi pianhmang an la sawisel sak vak vak ang tih ka lo ring ngai tawh lo. Mahse ka taksa, ka pianhmang hi ka chhuang hle a ni," a ti. A pianhmang sawiseltute chuan zak taka awm turin an ring pawh a ni thei a, mahse amah tichaktu zawk a nih thu a sawi. "Eng tik niah emaw chuan hmeichhe dangte rilru tihnat in duhna hi a la reh ve ngei ka beisei," a ti. He thu a post rual hian a thlalak eng emaw zat a post tel nghal bawk a ni.