Favorite New Music-ah Lana Del Rey & Quavo

Lana Del Rey leh Quavo-te hla thar, 'Tough' chu kar liam taa Billboard music poll-ah fan-ten hla chhuak thar an duh berah an thlang.

'Tough' hi vote thlaktu zinga 66% chuangin an hla thar duh berah an thlang a, Kesha, Childish Gambino, Eminem feat Big Sean and BabyTron, Morgan Wallen leh Zach Byran-te hla thar a khum a ni. Lana Del Rey leh Quavo hian June 20 khan Fenway Park-ah a hmasa ber atan he hla hi an lo perform dun tawh a, a hnuah social media lamah a teaser te hi an dah leh a, kar liam ta Nilaini khan an ti chhuak ta a ni. 'Tough' hi Lana Del Rey hian 2017-a album tih chhuah, 'Lust for Life'-a A$AP Rocky leh Playboi Carti te a thawhpui hnua rapper a thawhpui lehna hmasa ber a ni. Kumin chhung hian a country album tih chhuah leh a tum bawk.