“Inkigayo”-ah Ryan Reynolds leh Hugh Jackman

'Deadpool & Wolverine' changtu, South Korea tlawha zin, Ryan Reynolds leh Hugh Jackman-te chu Pathianni khan SBS weekly music show, “Inkigayo”-ah a inlan.

Ryan Reynold leh Hugh Jackman-te hi July 26-a an film chhuak tur promote in Korea ramah hian an zin a, kar liam ta khan Stray Kids member, Felix leh Bang Chan te pawh an lo hmu tawh a, July 5-a Seoul-a 2024 Waterbomb Festival hmannaah pawh an tel bawk. Ryan hian Blackpink leh Stray Kids fan a nih thu pawh a lo sawi tawh a ni. “Inkigayo” show-ah hian actor Moon Syun Hyun te nen inlanin, an pahnih hian lawmman dawngtu turte an puang a ni. Reynolds leh Jackman-te hian an film chhuak thar tur promote-in Asia ram an tlawh kual a, China leh India pawh an tlawh tel a ni. 'Deadpool & Wolverine'-ah hian Matthew Macfadyen, Morena Baccarin, Rob Delaney, Leslie Uggams leh Karan Soni te an chang bawk a ni.