Mizo comic bu lar Sudden Muanga ziaktu Lalsangzuala thlah liam a ngai ta
Mizo kutchhuak ngei comic ngaihnawm, chanchin ngah, hla leh film hial pianchhuahtirtu, Sudden Muanga comic siamtu Lalsangzuala chu nimin chh˚n dar 12:35 khan Sky Hospital, Imphal-ah a thi. Lalsangzuala hian a nupui, Laldinsangi Sailo leh a fanu paruk a kalsan a ni.
ElEs Comics, Sudden Muanga chanchin siamtu Lalsangzuala hi kum 1951 January 13 khan Thakthing, Aizawlah a piang a, Lamka College-ah Associate Professor niin, Department of Mizo-ah Head a ni. A thih thleng hian Salem Veng, Churachandpur, Manipur-ah an chhungkuain an khawsa a ni.
Kum 30 chuang chu zun≠thlum avanga inenkawl tawh a, kar hmasa Ningani khan a natna avang hian Churachandpur aṭang≠in inentir turin Imphal-ah an kal a, hetah hian a zunthlum hian a chuap thleng a khawih tel tawh tih hmuhchhuah a ni a, Shija Hospital ICU-ah dah luh nghal a ni. Pathian≠ni khan heart attack a nei a, a chhungte pawh an hlauthawng hman viau. A ṭhat sawt vak loh avangin Sky Hospital-ah sawn a ni a, ventilator te nena enkawl zui a ni a, nimin chawhma lam khan a Hb a hniam hle tih hmuhchhuah a ni leh a, thisen pe tura an inbuatsaih mek laiin a thi ta a ni. Vawiin hian a chÍnna inah vui liam a ni ang.
Laisaizawk comic bu hi kum 1977 aṭangin a ziak ṭan a, a hunlaia Mizote nunphung leh Mizoram politics bakah sakhuana thlengin a tarlang ṭha hle a, Mizote dar≠thlalang pawimawh tak a ni ṭhin. Bu eng emaw zat a ziak a, a hunlaia mite ngaihhlut a ni a, tun thlengin he lehkhabu chanchin hian Mizote lung a tileng a, ngaihven a la hlawh reng. Hei vang hian Zira Hnamte chuan 'Sudden Muanga' hla a lo siam a, mite sak pawh a hlawh hle
ṭhin. Kumin khan Sudden Muang≠a: Hmunkhawhar City tih chu film-in an tichhuak nghe nghe.
Sudden Muanga hi Sawhthing aṭangin Hmunkhawhar City-ah a inla lian ṭan a, Sheriff hial kai chhoin silai chelek leh insualah chuan ani tluk an awm lo. A hnuah mihlim a ni chho a, tihdam rawngbawlna te neiin a lar hle!
A hunlai mil zelin thawnthu a phuah thiam a, Mizoram politics dinhmun thiam tak leh nuihzatthlak takin a pholang a, kohhran leh khawtlang nun a tarlang a, fiamthu nuihzatthlak phenah 'dawn tisei' a phum thiam takzet a ni.