Hmangaihna chingchivêt! Wonderful Tonight

'Layla' hla kha Eric Clapton chuan a ṭhian pakhatin Persian thawnthu a hrilh, nula leh tlangval inhmangaih tak, innei thei si lo chanchin aṭanga a phuah niin a sawi a, mi tam tak chuan chutiang ni loin, British model, film-ah pawh lo chang ve zawk zawk ṭhin, Pattie Boyd a phuahna a ni e, an ti. Layla hi Pattie Boyd a phuah chhan lo a nih pawhin, 'Wonderful Tonight' hi chu chiang takin Boyd pual liau liaua a phuah a ni.

Eric Clapton-a hian ṭhian
ṭha tak mai a nei a, chu chu The Beatles-a an guitarist, George Harrison kha a ni. The Beatles hla nalh mangkhÍng 'While my guitar gentle weeps' music siam kawngah pawh khan Clapton hian Harrison hi a pui nasa hle. Pattie Boyd thung hi chu British model chhe lo tak mai a ni a, a chhe lo nangiang a niang, rock hla nalh mangkhÍng pahnih chhuah chhan a ni a, pakhat chu Harrison-a hla 'Something' niin pakhat chu kan sawi tur 'Wonderful Tonight' hi a ni. Hei bakah, Clapton-a hla tho 'Bell Bottom Blues' pawh kha amah a phuah chhan nia sawi a ni bawk.

Kum 1964 khan Harrison leh Pattie Boyd te hi an intawng a, Harrison hian a duh ngang mai a, ngaihzawng a neih leh neih loh pawh thlu phal hauh loin, zanriah ei chhuahpuiah a sawm chawt mai a, mahse Boyd chuan a lo hnar hlauh mai. A hnuah Boyd hian Harrison hi a duh ve ta hle a, a bial≠pa neih lai ṭhenin Boyd nen hian an inngaizawng a, kum 1966 khan an innei ta a ni. Kum 10 vel zet an inneih hnuah an induhna a lo chuai a, innghirnghona neuh neuh an nei a, chutihlai vel chuan Eric Clapton nen hian an inngaina ṭan hle.

D‚n hmaa nupa la ni siin, an riak dun tawh lo a, chutianga Harrison leh Boyd inkar a lo khÓk mÍk lai chuan Harrison-a ṭhianpa ngainat em em Eric Clapton nen an inkar a ṭha tial tial thung. An nupa inkar siam ṭhat a tum vang nge, Boyd a lo star em em vang zawk, Clapton chuan pawn lam thil tihnaah hruai chhuah zeuh zeuh a chÓng chho ta viau mai a ni.

Kum 1976 September thla khan The Beatles-a mi, Paul McCartney leh a nupui, Linda te chuan Buddy Holly party an buatsaih a, chutah chuan an member-pui, Harrison-a nupui Boyd chu tel ngei tur chiang sa a ni a, Clapton pawh an ṭhian ṭha a nih avangin a tel dawn tih a chiang bawk. Clapton chuan Boyd chu party-a kal tur chuan a va sawm a, Boyd pawh nalh theihtawpa kal chhuah tumin a inchei mek. Chutia a inchei a, a insiam lai a nghah lai chuan 'Wonderful Tonight' hi a phuah ta a ni.

Clapton hian a phuah hlawhtling hle a niang, kum 1968 chuan Boyd chuan ngaihzawng a nei tih a puang chhuak ta a, a ngaihzawng chu tu dang ni loin Eric Clapton hi a ni. A hnu zelah pawh Boyd chuan 'He hla hi kan pahniha inkar a ṭhat a, a hlim lai chuan ka thinlung hneh a, tihlim zualtu a ni ṭhin a, amaherawhchu kan inkar a fel loh ch‚ng erawh chuan he hla ngaih≠thlak ringawt pawh hi intih≠duhdahna ang a ni thung," a ti. 'Wonderful Tonight' chuan hna a thawk a, kum 1979 chuan Clapton leh Boyd te hi an innei a, kum 1988 thleng khan an innei zui ta a ni.